Օպամա ստացաւ խիզախութեան մրցանակ

Կիրակի օր նախկին նախագահ Պարաք Օպամա Պոսթոնի մէջ ստացաւ «Ճոն Քենետիի» անուան խիզախութեան մրցանակը։ Օպամա այդ ստացաւ ԱՄՆ-ի Ներկայացուցիչներու պալատի քուէարկութենէն քանի մը օր ետք, երբ Օպամաքէյրի փոխարէն ներկայացուեցաւ առողջապահութեան մասին նոր օրինագիծ մը։ Ան ըսած է, որ «…խիզախութիւն է խոցելի, թոյլ ու անզօր անձերու աջակցիլը, անոնց, որոնք չունին իշխանութիւն»։