«Հրապարակ» թերթը կը գրէ. «Մեր տեղեկութիւններով՝ իշխանութեան վերին էշելոններում տագնապած են բանակում չծառայած բարձրաստիճան պաշտօնեաների որդիների շուրջ բարձրացած աղմուկից: Մտավախութիւն ունեն, որ յաջորդը մամուլում կը յայտնուեն վերջին 10 տարին միջպետական համաձայնագրերով Հայաստանից ուսման նպատակով արտերկիր մեկնած եւ այդ «հողի վրայ» տարկէտման իրաւունք ստացած ՀՀ ոսկի երիտասարդութեան ներկայացուցիչների անունները:
Իսկ այդտեղ շատ հետաքրքիր անուններ կան, հիւանդութեան կամ այլ հիմքով բանակից ազատուել չկարողացողները կրթութեան անուան տակ թռել են արտերկիր, ընդ որում՝ այդպէս են վարուել եւ վարւում բազմաթիւ անձինք՝ սկսած ԿԳՆ պաշտօնեաներից, վերջացրած ամենատարբեր մեծ ու միջին չինովնիկներով»: