ԱՄՆ նախագահ Թրամփ հեռաձայնային խօսակցութիւններ ունեցած է Սէուտական Արաբիոյ թագաւոր Սալման ալ Սաուտի, Էմիրութիւններու նախագահ Խալիֆա ալ Նահայանի եւ Քաթարի էմիր Թամին ալ Թանիի հետ։
Թրամփ իր մտահոգութիւնները յայտնած է Քաթարի եւ արաբական շարք մը երկիրներու միջեւ դիւանագիտական բախումներուն առիթով։ Ան շեշտած է, թէ միասնութիւնը շատ կարեւոր է ահաբեկչութեան նկատմամբ յաղթանակի հասնելու եւ շրջանէն ներս խաղաղութիւնը վերականգնելու համար։ ԱՄՆի նախագահը ընդգծած է ահաբեկչութեան օժանդակութիւնը դադրեցնելուն կարեւորութիւնը։