Թուրքիան զօրքեր ղրկած է Քիլիս գաւառի Մուսապէյլի շրջանի ուղղութեամբ, զօրացնելով իր սահմանները Սուրիոյ հետ։ Այդ շրջանին մէջ Թուրքիա սահմանակից է քրտաբնակ եւ քրտական կազմաւորումներու կողմէ հսկուող Աֆրին սուրիական շրջանին։
Թուրքիոյ պաշտպանութեան նախարար Ֆիքրի Իշիք յայտարարած է, թէ Թուրքիա պատրաստ է ռազմական գործողութեան եւ պաշտպանելու երկրին ազգային անվտանգութիւնը, եթէ քիւրտեր զէնք բարձրացնեն սուրիական կողմէն։