Ոսկիի համաշխարհային խորհուրդը Օգոստոս 1ին հրապարակած է աշխարհի երկիրներու ոսկիի պաշարներու մասին վիճակագրական տուեալներ։ Ատրպէյճանեան azadliq.info լրատուական գործակալութեան համաձայն, Ատրպէյճան 2017ի Յունուարին ունէր 18 թոն ոսկիի պաշար եւ համաշխարհային խորհուրդի վարկանիշով կը գրաւէր 63րդ տեղը։ Սակայն, Սեպտեմբերէն սկսեալ քիչ-քիչ, եւ ապա Փետրուար 2017ին՝ 18 թոն վաճառելով, վեց ամիսներու ընթացքին Ատրպէյճան վաճառած է ոսկիի իր բոլոր պահեստները։