Երեւանի մէջ հիմնարկէքը կատարուած է Չինաստանի դեսպանատան նոր շէնքին։ Ան իր չափով երկրորդն է տարածաշրջանին մէջ՝ Ռուսիայէն ետք։
«Կարեւոր եւ ուրախալի իրադարձութիւն է մեզի համար։ Չինաստանը ա՛լ աւելի լաւ ներկայացուած պիտի ըլլայ Հայաստանի մէջ», ըսած է ՀՀի մէջ Չինաստանի դեսպան Թիան Էր Լուն։
Չինաստանը աճող յաւակնութիւն ունի ամբողջ աշխարհի տարածքին եւ հետեւողականօրէն կը զարգացնէ իր տնտեսութիւնը։ Բնականաբար, Հայաստանը իր ռազմավարական դիրքով մեծապէս կը հետաքրքրէ չինական կողմին։