Անցեալին «հայ» բառը որպէս վիրաւորանք օգտագործած Անքարայի քաղաքապետ Մելիհ Կէօքչէքը կը շարունակէ իր ցեղապաշտական գործելաոճը։
Գերմանիոյ Կանաչներու կուսակցութեան թուրք համանախագահ Ճէմ Օզտէմիրի յայտարարութեան առիթով, Կէօքչէք «հայու վաստակ» անուանած է զայն։
Նշենք, որ Օզտէմիր հարցազրոյցի մը ընթացքին ըսած էր, թէ Էրտողանի հետ խօսելու միակ լեզուն անոր իր տեղը ցոյց տալն է, որմէ կատղած էր Անքարայի քաղաքապետը։