Հայաստանի նախագահ Սերժ Սարգսեանը մեկնած էր Նիւ Եորք, մասնակցելու ՄԱԿի 72րդ ընդհանուր ժողովին։ Ան Երեքշաբթի օր ուղերձով դիմեց մոլորակի ղեկավարներուն։ Արտաքին գործոց նախարար Էդուարդ Նալպանտեան նոյնպէս մեկնած էր Նիւ Եորք։
– Սեպտեմբեր 19ին՝ հանդիպում ՄԱԿի մէջ Կարմիր խաչի միջազգային կոմիտէի նախագահ Փիթըր Մաուրերի հետ։ Սարգսեան մեծապէս կարեւորեր է Արցախի մէջ Կարմիր խաչի ներկայութիւնը եւ գործունէութիւնը։
– Նոյն օրը, նոյն վայրին մէջ, հանդիպում Լեհաստանի նախագահ Անճէյ Տուտայի հետ։ Երկու երկիրներու միջեւ դիւանագիտական յարաբերութիւններու 25ամեակն է այս տարի, ինչպէս նաեւ 650րդ տարեդարձը Լեհաստանի մէջ հայ համայնքի կազմաւորման։
Նախագահ Սարգսեան հանդիպում ունեցած է նաեւ ՄԱԿի գլխաւոր քարտուղար Անթոնիօ Կութերէշի հետ։