Մինսքի խումբի համանախագահներ Իկոր Փոփովը՝ Ռուսիա, Էնտրու Շեֆերը՝ ԱՄՆ, Սթեֆան Վիսքոնթին՝ Ֆրանսա եւ ԵԱԿՀ գործող նախագահի անձնական ներկայացուցիչ Անճէյ Քասփրշիքը, տարածաշրջան այցելութեան աւարտին հանդէս եկան յայտարարութեամբ, ամփոփելով Հայաստանի եւ Ատրպէյճանի նախագահներուն հետ իրենց հանդիպումներուն արդիւնքները։
Յայտարարութեան մէջ ըսուած է. «Երկու նախագահներն ալ հաստատած են իրենց պատրաստակամութիւնը՝ վերսկսելու բանակցութիւնները՝ հակամարտութեան խաղաղ կարգաւորման հասնելու նպատակով: Յառաջիկայ գագաթնաժողովի մասին տեղեկատուութիւնը համապատասխան կողմերը պիտի ներկայացնեն մօտիկ ապագային»։