Չորեքշաբթի, Ապրիլ 24, 2024

Շաբաթաթերթ

Յայտարարութիւն

Ապրիլի 14-ին Ամենայն Հայոց Կաթողիկոսի կողմից ի պատասխան News.am գործակալութեան հարցման կատարուած յայտարարութիւնը տեղիք է տուել տարաբնոյթ, այդ թւում եւ անտեղի ու անհարկի մեկնաբանութիւնների ու գնահատականների։

Հարկ ենք նկատում յայտնել հետեւեալը՝ Վեհափառ Հայրապետի  կեցուածքն ամբողջապէս համահունչ է Քրիստոսի Սուրբ Եկեղեցու մարդասիրական առաքելութեանն ու դաւանած արժէքներին։ Հետեւաբար, հարկ է չքաղաքականացնել Վեհափառ Հայրապետի դիրքորոշումը եւ տրուել անպտուղ բանավէճերի։ Ցաւօք, Ամենայն Հայոց Կաթողիկոսի արտայայտած մտքերը ներկայացւում են հատուածաբար, իսկ ՀՀ երկրորդ նախագահին անդրադարձը՝ ենթաթեքսթից կտրուած եւ այլափոխուած։ 

Նորին Սրբութեան յորդորին առնչուած բոլոր մեկնաբանութիւններն ու գնահատականները պէտք է կատարել՝ խստօրէն հետեւելով թեքսթի բովանդակութեանը, ինչպէս նաեւ դրսեւորել անհրաժեշտ պատշաճութիւն եւ բարեկրթութիւն` տեսակէտներ եւ կարծիքներ արտայայտելիս, առաւել եւս երբ դա կատարւում է պաշտօնատար դիրք զբաղեցնող անձանց կողմից։

Ամենայն Հայոց Կաթողիկոսի յորդորն է ամէնքին՝ միասնութեան եւ համերաշխութեան ոգով, ջանքերի մէկտեղումով լծուել համաuարակի այս ծանր իրավիճակում հայրենիքի եւ մեր ժողովրդի առջեւ ծառացած մարտահրաւէրների յաղթահարմանը։

 

ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ

ՏԵՂԵԿԱՏՈՒԱԿԱՆ ՀԱՄԱԿԱՐԳ

 

ՅԱՐԱԿԻՑ ՅՈԴՈՒԱԾՆԵՐ

ՆՈՐ ՅԱՒԵԼՈՒՄՆԵՐ