Կուրծքի կաթը դրական ձեւով կ՛ազդէ թերահաս մանուկներու սրտանօթային համակարգի եւ սրտանօթային զարգացման վրայ: Այսպիսի եզրակացութեան յանգած են Իրլանտայի վիրաբուժներու թագաւորական վարչական կազմի բժշկական համալսարանի մասնագէտները:
Հետազօտութիւնը, որ հրապարակուած է JAMA Network Open ամսագիրին մէջ, ներառած է 80 թերահաս փոքրիկներու տուեալները: Այս իր տեսակին մէջ առաջին հետազօտութիւնն է, որ ցոյց տուած է, թէ թերահաս փոքրիկները, որոնք «աքթիվ» ձեւով կուրծքի կաթ ստացած են, մէկ տարեկանին սրտի աւելի լաւ գործունէութիւն ունեցած են:
Թերահաս ծնած թէ՛ փոքրիկները, թէ՛ մեծերը սրտանօթային հիւանդութիւններու, այդ շարքին՝ սրտի հիւանդութեան, սրտային անբաւարարութեան, համակարգային եւ թոքային «հայփըրթէնշընի» (արեան բարձր ճնշման) վտանգին ենթարկուած են: Անոնց մօտ բարձր եղած է նաեւ սրտանօթային հիւանդութիւններէն մահուան հաւանականութիւնը:
Այս հետազօտութիւնը ցոյց կու տայ, որ ծննդաբերութենէն ետք առաջին ամիսներուն բացառապէս կուրծքի կաթի օգտագործումը կապուած է թերահաս մանուկներու սրտանօթային համակարգի որոշ բնութագրերու բնականոնացման հետ: