ՆԱԹՕ-ի գագաթնաժողովին ընթացքին, Վարշաւիոյ մէջ նախագահ Օպամա յայտարարած է, որ Միացեալ Նահանգներ իր պարտականութիւնները կատարելէ չի հրաժարիր։ Ամերիկա երեք միլիառ տոլարով աւելցուցած է Եւրոպայի պաշտպանութեան համար նախատեսուած ռազմական ծախսերը։ «Մասնաւորապէս, Լեհաստանի մէջ պիտի տեղակայուին հազար ամերիկացի զինուորներ, որոնք ուս ուսի պիտի ծառայեն Լեհաստանի զինուորներուն հետ», նշած է ան։