ՏԱՀԵՇ սկսած է հրապարակել «Ռումիյա» համացանցային ամսագիր մը, որ կը հրապարակուի քանի մը լեզուներով` անգլերէն, ռուսերէն եւ ֆրանսերէն: Այս մասին կը գրէ թրքական «Հիւրրիյէթ» օրաթերթը, նշելով, որ ամսագրի անուանումը պատահական չէ ընտրուած. «Ռումիյէ» կը նշանակէ Հռոմ, ինչով ՏԱՀԵՇ փորձած է մատնանշել, որ իրենց գլխաւոր նպատակը մինչեւ Հռոմ հասնիլն է:
«Ալլահ թող մեզ արժանացնէ սկիզբը Պոլիսը, յետոյ Հռոմը գրաւելու պատիւին», գրուած է «Ռումիյա»-ի առաջին թիւի առաջին էջին վրայ: