Սէուլէն հասած տեղեկատուութիւններու համաձայն, BBC կը հաղորդէ, որ Հարաւային Քորէա կը ծրագրէ բնաջնջել Հիւսիսային Քորէայի մայրաքաղաքը, եթէ վերջինս հիւլէական ռումբով յարձակում մը գործելու նշաններ ցոյց տայ:
Հարաւային քորէական զինուորական աղբիւր մը իր հերթին «Եոնհափ» լրատու գործակալութեան յայտնած է, որ Փիոնկիանկի բոլոր մասերը «ամբողջովին պիտի քանդուին հեռահար հրթիռներով եւ մեծ պայթում յառաջացնող ռումբերով»: Փիոնկիանկ երէկ Սէուլի կողմէ հնչած սպառնալիքները կոչեց «խիստ ծիծաղելի»:
Հարաւային քորէացի զինուորական պաշտօնատարը «Եոնհափ»-ին յայտնած է, որ որեւէ յարձակումի պարագային մասնաւորաբար թիրախ պիտի դառնան Փիոնկիանկի այն շրջանները, ուր կը գտնուին Հիւսիսային Քորէայի ղեկավարները` աւելցնելով, որ քաղաքը «գետնին պիտի հաւասարեցուի եւ քարտէզէն ջնջէ»: