Հինգշաբթի, Դեկտեմբեր 8, 2022

Շաբաթաթերթ

Array

Թորոնթոհայութեան հերթական աջակցութիւնը Մատաղիսի դպրոցին

«Հայաստան» համահայկական հիմնադրամը Թորոնթոյի իր տեղական մարմնի միջոցներով մասնակի վերանորոգում կ’իրականացնէ Մատաղիս համայնքի /ԼՂՀ Մարտակերտի շրջան/ միջնակարգ դպրոցին մէջ: Եռայարկ այս կրթօճախը կառուցուած է Թորոնթոյի հայութեան հաւաքած գումարներով 2005-2006 թուականներուն: Այս մասին կը տեղեկացնէ Հիմնադրամի պաշտօնական կայքը:

«Հերթական աշխատանքային այցին ընթացքին պարզ դարձաւ, որ դպրոցը մասնակի վերանորոգման կարիքը ունի»,- կը պարզաբանէ Հիմնադրամի Թորոնթոյի տեղական մարմնի ատենապետ Մկրտիչ Մկրտիչեան: «Աշխատանքները կը մօտենան աւարտին, եւ ուսումնական գործընթացը արդէն իսկ կ’ընթանայ բնականոն պայմաններու մէջ»:

Մասնակի վերանորոգումներ  կատարուած են տանիքի, սանհանգոյցներու մաշուածութիւնը վերացնելու նպատակով: Տեղադրուած են նոր դռներ ու լուսամուտներ: Միջանցքներու եւ դահլիճի յատակները պատուած են որձաքարով, իրականացուած են արտաքին յարդարման աշխատանքներ:

«Նորոգման այս աշխատանքները համայնքի համար աւելին են , քան պարզապէս դպրոցի նորոգում»,- կ’ըսէ դպրոցի երիտասարդ տնօրէն Գեղամ Աղաջանեան: «Ամէն անգամ, երբ յիշում եմ այն փոքրիկ կառոյցը` այսօրուայ մանկապարտէզի շէնքը, որտեղ ես եմ ուսանել, մտածում եմ, որ սա իսկական պարգեւ է մեր աշակերտների համար»:

 

ՅԱՐԱԿԻՑ ՅՈԴՈՒԱԾՆԵՐ

ՆՈՐ ՅԱՒԵԼՈՒՄՆԵՐ