Թրքական իշխանամէտ «Dunyabulteni» լրատուական կայքը անդրադարձած է Հայաստանի Հանրապետութեան անկախութեան 25-րդ տարեդարձին նուիրուած զօրահանդէսի ժամանակ ցուցադրուած ռուսական արտադրութեան «Իսքանտար-Մ» մարտավարական հրթիռային համակարգին:
Կը նշուի, որ «Իսքանտար-Մ»-ի կրակի արձակման առաւելագոյն հեռահարութիւնը կը հասնի 500 քմ-ի, ինչը վտանգ կը ներկայացնէ տարածաշրջանի շարք մը երկիրներու եւ յատկապէս Թուրքիոյ Արեւելեան Անատոլու կոչուող տարածքի համար, որ կ’ընդգրկէ Արեւմտեան Հայաստանի տարածքը: Կից ներկայացուած քարտէզը ցոյց կու տայ Իսքանտարի հարուածի հեռահարութեան տակ յայտնուող ռիսքային գօտիները:
