Ֆրանսայի ծերակոյտը երէկ տեղի ունեցած քննարկումին ընթացքին 156 թեր եւ 146 դէմ քուէներով վաւերացուց Հայոց ցեղասպանութեան ժխտումը քրէականացնող օրինագիծը:
Յիշեցնենք, որ Ֆրանսայի խորհրդարանի ստորին պալատը` Ազգային ժողովը յուլիսին միաձայնութեամբ որդեգրած էր «Հաւասարութիւն եւ քաղաքացիութիւն» կոչուող օրինագիծին փոփոխութիւնները, որով պատիժ կը սահմանուի մարդկութեան դէմ գործուած բոլոր յանցագործութիւնները, ներառեալ Հայոց ցեղասպանութիւնը ժխտելու համար: