ԵԱՀԿ նախարարական խորհուրդի նստաշրջանի ընթացքին, որ տեղի պիտի ունենայ 8-9 Դեկտեմբերին Համպուրկի մէջ, ի թիւս այլ հարցերու անդրադարձ պիտի կատարուի նաեւ Լեռնային Ղարաբաղի հակամարտութեան կարգաւորման վերաբերող հարցերուն: Այդ մասին իր ամենշաբաթեայ համառօտագրութեան մէջ յայտարարած է Ռուսիոյ արտաքին գործոց նախարարութեան պաշտօնական ներկայացուցիչ Մարիա Զախարովան` աւելցնելով, որ ՌԴ ԱԳ նախարար Սերկէյյ Լավրով նախատեսած է մասնակցիլ նիստին: «Նախարարական հանդիպման ընթացքին նախատեսուած է անդրադարձ կատարել ԵԱՀԿ պատասխանատուութեան գօտիէն ներս գտնուող տարածաշրջանային հակամարտութիւններուն: Մտադիր ենք վերահաստատել ԵԱՀԿ-ի ներդրման կարեւորութիւնը Ուքրանիոյ արեւելեան շրջանի ճգնաժամին կարգաւորման մէջ: Նախարարները պիտի դիտարկեն նաեւ Մերձտնեսթրի, Լեռնային Ղարաբաղի հակամարտութիւններու կարգաւորման հարցերը, ինչպէս նաեւ Անդրկովկասի մէջ անվտանգութեան հարցերով Ժնեւեան քննարկումները»,- ըսած է Զախարովան՝ ըստ ՌԴ ԱԳՆ պաշտօնական կայքին:
Չորեքշաբթի, Նոյեմբեր 6, 2024
Շաբաթաթերթ
ՄԵՐ ՄԱՍԻՆ
Ռամկավար Ազատական Կուսակցութեան Արեւմտեան Ամերիկայի Պաշտօնաթերթ
ՀԵՏԵՒԵՔ ՄԵԶ
© 2021-2024 Noror.org. All rights reserved. Developed by Abstract.