Բացառիկ հանդիպում Հայաստանում ձևաւորուած «Ելք» քաղաքական դաշինքի հետ

Լոս Անճելըսում են գտնւում Հայաստանի Հանրապետութիւնում ձևաւաորուած առաջին ընդդիմադիր դաշինքի ներկայացուցիչները՝ «Լուսաւոր Հայաստան» կուսակցութեան նախագահ, ՀՀ ԱԺ պատգամաւոր Էդմոն Մարուքեանի և «Հանրապետութիւն» կուսակցութեան նախագահ, ՀՀ նախկին վարչապետ Արամ Սարգսեանի գլխաւորութեամբ։ 2017թ.-ի Ապրիլի 2-ի ՀՀ խորհրդարանական ընտրութիւններից առաջ նորաստեղծ դաշինքը ցանկանում է իր հանդիպումներն սկսել հայահոծ Լոս Անճելըսից, որպէսզի այսուհետ սփիւռքահայերի ձայնը, մտահոգութիւններն ու առաջարկութիւնները լսելի լինեն ՀՀ Ազգային Ժողովում։ Այդ նպատակով ստեղծուած կազմակերպիչ մարմինը Յունուարի 27-ին՝ երեկոյեան 6։30-ին, նախատեսում է մեծ հանդիպում Իրանահայ Միութիւնում  (հասցէն` 117 S. Louise St., Glendale, CA 91205, Armenian Society of Los Angeles): Օրուայ խորագիրն է լինելու «Հայաստանի Միակ Ելքը», ուր ներկաները կարող են հանդէս գալ իրենց առաջարկութիւններով ու մտահոգութիւններով։ Նմանօրինակ, եզակի հանդիպումները լաւագոյն խթանն են Հայրենիք-Սփիւռք կապերի զարգացման, համընդհանուր ջանքերով հայրենիքի շէնացման։

ԿԱԶՄԱԿԵՐՊԻՉ ՄԱՐՄԻՆ