Միացեալ Նահանգներու ազգային անվտանգութեան հարցերով խորհրդական Մայքըլ Ֆլինը հրաժարեցաւ իր պաշտօնէն։ Ան խոստովանած է, որ Դեկտեմբերի վերջաւորութեան՝ Տանըլտ Թրամփի երդմնակալութենէն առաջ ոչ ամբողջական տեղեկութիւններ հաղորդած է ԱՄՆ-ի Ռուսիոյ դեսպանին հետ շփումներուն մասին։
Ան նախապէս հերքած էր, որ դեսպանին հետ զրոյցը եղած է պատժամիջոցներու մասին, որմէ ետք նոյնը յայտարարած էր փոխնախագահ Փենսը։
ԱՄՆ-ի նախագահի ազգային անվտանգութեան խորհրդականի պարտականութիւնները ժամանակաւորապէս պիտի կատարէ զօրավար Ճոզէֆ Քիթ Քելլոկը, որ անցեալին եղած է ԱՄՆ-ի ազգային անվտանգութեան խորհուրդի ղեկավարը։ Ծառայած է Վիեթնամի, Քամպոճիայի, Փանամայի եւ Պարսից ծոցի մէջ, այսինքն՝ թէժ տարածաշրջաններու մէջ։
Նշենք, որ Թրամփի ընտրութիւնը Ռուսիան կը ներկայացնէր որպէս գրեթէ սեփական «յաղթանակ»՝ պատժամիջոցները վերացնելու հեռանկարով։