Գերմանիոյ նախագահ ընտրուեցաւ Շթայնմայըր

Գերմանիոյ խորհրդարանը նախագահ ընտրեց նախկին արտաքին գործոց նախարար Ֆրանք Վալտեր Շթայնմայըրը, շահելով 1260 պատուիրակներուն կէսէն աւելիին ձայները։ Հայաստանի արտաքին գործոց նախարար Էդուարդ Նալպանտեան շնորհաւորած է զինք, մաղթելով յաջողութիւններ։

Նշենք, որ Գերմանիոյ նախագահը կ՚ընտրուի Պունտեսթակի պատգամաւորներուն եւ դաշնային մարզերու խորհրդարաններու յառաջադրած ընտրողներուն կողմէ։