Հայաստանն ու Ատրպէյճանը հեռու են համաձայնելէ՝ Լեռնային Ղարաբաղի հիմնախնդիրի առանցքային հարցերուն մէջ, յայտարարած է Ռուսիոյ արտաքին գործոց նախարար Սերկէյ Լաւրով, ատրպէյճանցի իր պաշտօնակից Էլմար Մամետիարովի հետ համատեղ մամլոյ ասուլիսի ընթացքին։
Թէեւ կարգ մը յառաջխաղացումներ եղած են, սակայն 2-3 յստակ խնդիրներ կան, որոնք առանցքային են եւ տակաւին քննարկումի ենթակայ։
Միւս կողմէ, արցախա-ատրպէյճանեան սահմանը կը մնայ լարուած եւ ամէն օր հրադադարը Ատրպէյճանի կողմէ կը խախտուի բազմաթիւ անգամներ։