Կիրակի, Մարտ 3, 2024

Շաբաթաթերթ

Մեր Մեծերը. Ագաթանգեղոս

     «Պատմութիւն  Հայոց»  երկը պատկանում  է  Ագաթանգեղոսին:  Ժամանակագրական  տեսակէտից  այն  առաջին  հայատառ  երկն  է:

     «Պատմութիւն  Հայոց»ը  բաղկացած  է  առաջաբանից  ու  երեք  բաժնից:  Առաջին  բաժնում  արտացոլուած  են  Արտաւան  Ե.-ի  ճակատամարտը  Սասանեան  Արտաշիրի  դէմ,  որում  յաղթող  է  դուրս  գալիս  Արտաշիրը,  հայոց  Խոսրով  Ա.  Մեծի  կռիւները  Արտաշիրի  դէմ,  հայ  արքայի  դաւադրական  սպանութիւնը,  նրա  մանկան  ազատումը,  Տրդատ  Գ.-ի  եւ  Գրիգոր  Լուսաւորչի  գործունէութիւնը,  վերջինիս  չարչարանքները,  Հռիփսիմեանց  եւ  Գայեանեանց  կոյսերի  վկայաբանութիւնը:

     Երկրորդ  բաժինը  յատկացուած  է  Գրիգոր  Լուսաւորչի  քարոզած  վարդապետութեանը,  որի  հիմքում  ընկած  է  Սուրբ  Գիրքը:

     Երրորդ  բաժնում  նկարագրուած  են  հայ  բնակչութեան  քրիստոնէութեան  դարձը,  կոյսերի  վկայարանների  կառուցումը,  Լուսաւորչի  կաթողիկոս  ձեռնադրուելը,  պատմական  տաճարների  ու  մեհեանների  աւերումը,  քրմերի  կալուածների  ու  հարստութիւնների  բռնագրաւումը  քրիստոնեայ  հոգեւորականների  կողմից  եւ այլ  դէպքեր:

     Հայոց  Պատմութիւնը  գրելիս  հեղինակն  օգտուել  է  զանազան  աղբիւրներից:  Կղերականները  բարձր  են  գնահատել  այս  աշխատութիւնը  եւ  փաստօրէն  հարիւրամեակներ  համարուել  է  ընթերցանութեան  առարկայ:

     Երկում  ընդգծուած  է,  որ  պատմութեան  շարժիչ  ուժն  է  Աստծոյ  կամքը:    

ՅԱՐԱԿԻՑ ՅՈԴՈՒԱԾՆԵՐ

ՆՈՐ ՅԱՒԵԼՈՒՄՆԵՐ