Կլենտէյլ քաղաքը ունի նոր քաղաքապետ։ Մայիս 1-ին քաղաքային խորհուրդի միաձայն քուէարկութեամբ, նոյն խորհուրդի անդամ Վարդան Կարապետեան ստանձնեց քաղաքապետի միամեայ պաշտօնը։
Յիշեցնենք, թէ ներկայիս քաղաքային խորհուրդի հինգ անդամներէն չորսը մեր հայրենակիցներն են. Կարապետեանի կողքին՝ Արա Նաճարեան եւ Զարեհ Սինանեան, ինչպէս նաեւ առաջին անգամ ըլլալով ընտրուած Վրէժ Աղաջանեան։ Արտաշէս Քասախեան եւ Ռաֆֆի Մանուկեան կը շարունակեն իրենց պաշտօնները քաղաքապետարանէն ներս, համապատասխանաբար՝ որպէս քարտուղար եւ գանձապահ։