«Այսօր տօնախմբում ենք Հայաստանի առաջին Հանրապետութեան հռչակման 99-րդ տարեդարձը, յարգանքի տուրք ենք մատուցում մայիսեան որոշիչ գոյամարտերին իրենց մասնակցութիւնը բերած և յաղթանակի հասած մեր ազգի հերոս զաւակներին և ոգեկոչում նրանց անմահ յիշատակը: Այս տօնակատարութիւնները մեզ յիշեցնում են հայկական զօրամիաւորումների և մարտի դաշտ դուրս ելած ժողովրդի հերոսական ոգին, հայրենիքը պաշտպանելու միասնական կամքը: Գէորգ Ե. Հայրապետի վեհապանծ և ոգևորիչ խօսքով քաջալերուած և յաղթանակի անսպառ յոյսը շաղախած Սուրբ Էջմիածնի աստուածականչ զանգերի թնդիւններին՝ հայ զօրականները, հոգևորականներն ու աշխարհականները իրենց պայքարը պսակեցին յաղթանակներով, որոնց պտուղը եղաւ առաջին Հանրապետութեան հռչակումը»։