Գերմանիոյ մէջ շարունակուող G-20ի շրջագիծէն ներս տեղի ունեցած է Ռուսիոյ եւ Թուրքիոյ նախագահներու հանդիպումը, որ տեւած է շուրջ մէկ ժամ։
Անոնք զրուցած են տնտեսական փոխգործակցութեան, Սուրիոյ եւ Իրաքի վիճակներուն մասին։
Նման ոչ-պաշտօնական հանդիպումներ բազմաթիւ էին Համպուրկի մէջ, ինչպէս ԱՄՆի նախագահ Թրամփին կողմէ, նոյնպէս եւրոպական այլ պետութիւններու ղեկավարներու միջեւ։ Խօսակցութեան գլխաւոր նիւթերը եղած են Միջին Արեւելքն ու Ուքրանիան՝ գլխաւորաբար։