Կիրակի, 23 Հունվարի, 2022

Շաբաթաթերթ

Array

Անդրադարձ

Անդրադարձ

 

2020 թուականի ապրիլի 15-ին ԱԱԾ-ի եւ վերջինիս յղուած տեղեկատուական աղբիւրներից ինչպէս ողջ հանրութիւնը, այնպէս եւ Մայր Աթոռ Սուրբ Էջմիածինը տեղեակ դարձաւ, որ ԱԱԾ քննչական բաժանմունքին մէջ քննուող քրէական գործի շրջանակներում 2020 թուականի ապրիլի 13-ին մեղադրանք է առաջադրուել Արարատեան հայրապետական թեմի առաջնորդական փոխանորդ Գերշ. Տ. Նաւասարդ արքեպիսկոպոս Կճոյեանին:

Կոչ ենք ուղղում հանրութեանը, այդ թւում՝ պաշտօնատար անձանց եւ լրատաւամիջոցներին, յարգել անձի` օրէնսդրութեամբ երաշխաւորուած անմեղութեան կանխավարկածը եւ ձեռնպահ մնալ անհարկի, շտապողական մեկնաբանութիւններից ու անհիմն գնահատականներից:

Հարկ է արձանագրել, որ քրէական գործով արծարծուող թեման զանգուածային լրատուամիջոցներով շրջանառուել է տակաւին 2013 թուականից, իսկ յիշեալ քրէական գործը յարուցուել է տարիներ առաջ: Այս համատեքստում տարակուսելի է, որ յիշեալ քրէական գործով Տ. Նաւասարդ արք. Կճոյեանին որպէս մեղադրեալ ներգրաւելու մասին հրապարակայնացումը ուղղակիօրէն յաջորդում է Ամենայն Հայոց Կաթողիկոսի կողմից կ’որոնավիրուսի համավարակի պայմաններում խոցելի խմբում գտնուող կալանաւորների, այդ թւում եւ ՀՀ երկրորդ նախագահ Ռոբերտ Քոչարեանի խափանման միջոցի փոփոխման վերաբերեալ դիրքորոշման հանրայնացմանը:

Թէեւ սոյն պարագան առաջացնում է որոշակի մտահոգութիւններ, այսուհանդերձ Մայր Աթոռ Սուրբ Էջմիածինը ցանկանում է յուսալ եւ հետամուտ է լինելու, որ քրէական գործով իրականացուի անաչառ, լրիւ ու բազմակողմանի քննութիւն:

Յիշեալ գործով Տ. Նաւասարդ արք. Կճոյեանի իրաւական պաշտպանութիւնն իրականացւում է փաստաբանների կողմից, որոնք գործի առնչութեամբ, ըստ անհրաժեշտութեան, կը ներկայացնեն համապատասխան լուսաբանութիւններ ու պարզաբանումներ:

ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ

ՏԵՂԵԿԱՏՈՒԱԿԱՆ ՀԱՄԱԿԱՐԳ

 

ՅԱՐԱԿԻՑ ՅՈԴՈՒԱԾՆԵՐ

ՆՈՐ ՅԱՒԵԼՈՒՄՆԵՐ