Չորեքշաբթի, Փետրուար 1, 2023

Շաբաթաթերթ

Moderna-ն Կը Ճանչցուի Իբրեւ Լաւագոյն Պատուաստ

Moderna-ն քորոնա ժահրի դէմ լաւագոյն պատուաստ ճանչնալը աշխարհաքաղաքական դրդապատճառ ունեցող քայլ է, յայտնած է առաջնակարգ ժահրաբաններէն եւ Պելճիքայի մէջ COVID-19-ի ոլորտի փորձագէտներէն մէկը նկատուող Մարք Վան Ռանսթ: Անոր խօսքով՝ ռուսական «Սփութնիք V»-ը ոչինչով կը զիջի պատուաստներու համաժողովին յաղթած իր մրցակիցին։

Մասնագէտը նշած է, որ ինքը մեծ նշանակութիւն չէր տար այս մրցանակին, որովհետեւ այս պարագային հաշուի առնուած է աշխարհաքաղաքական գործօնը: Ան ընդգծած է, որ Moderna-ն, «Սփութնիք V»-ը եւ Pfizer-ը աննախադէպ արդիւնաւէտութիւն ցոյց կուտան COVID-19-ի դէմ: Դեղերու այս ցուցանիշը կը գերազանցէ 90%-ը, յայտնած է «ՌԻԱ Նովոսթին»:

«Այս հանգրուանին, անոնք արդիւնաւէտութեան նոյն մակարդակին վրայ կը գտնուին: Անիմաստ էր Moderna-ն կամ միւս երկուքը յաղթող նկատել»,- ըսած է մասնագէտը` աւելցնելով, որ նշուած փաստը չի նսեմացներ նուազ արդիւնաւէտ դեղերու որակը, ինչպէս՝ AstraZeneca-ն, Johnson & Johnson-ը եւ Novavax-ը:

««Սփութնիք V»-ը առաջին պատրաստուած պատուաստն է, եւ սկիզբէն մենք ականատես եղանք քաղաքական արձագանգներու, որոնք արտայայտուած են ռուս գիտնականներու նուաճումները նսեմացնելու համար… Այս մրցանակը Moderna-ին տալը, հաւանաբար, հիմնականին մէջ տնտեսական որոշում է»,- ըսած է մասնագէտը:

Յիշեցնենք, որ Moderna-ն «Պատուաստներու համաշխարհային քոնկրես 2021»-ի կողմէ ճանչցուած է «COVID-ի դէմ լաւագոյն պատուաստ»: «Սփութնիք V»-ը եւ AstraZeneca-ն ընդգրկուած են անուանակարգի կարճ ցուցակին վրայ, իսկ Pfizer-ի եւ BioNTech-ի պատուաստը նոյնպէս «բաւական բարձր գնահատական» ստացած է: Յաղթողի ընտրութեան չափորոշիչները յստակ չեն:

Ուտելիքներ՝ 40-Տարեկանէն Վեր Կիներու Համար

Քառասուն տարեկան հասակին, մարդու օրկանիզմին մէջ որոշ մարմնային գործընթացներ կը սկսին փոխուիլ, ինչ որ կրնայ յանգեցնել կշիռքի անսպասելի փոփոխութեան: Այդ է պատճառը, որ 40-էն ետք, շատ կարեւոր է վերատեսութեան ենթարկել սննդականոնը, յայտնած է սննդաբան Ելենա Քալեն: Անոր խօսքով, քառասունէն վեր տարիքի մարդոց չի յանձնարարուիր խիստ սննդականոնը՝ դանդաղող նիւթափոխանակութեան եւ «հորմոնալ ֆոն»-ի փոփոխութեան պատճառով: Փափաքելի է, որ սննդականոնին մէջ աւելցուին թարմ բանջարեղէն եւ ձուկ, ինչպէս նաեւ՝ շատ ջուր խմել:

Կարեւոր է յիշել, որ կիներու օրկանիզմին մէջ տարիներու ընթացքին «էսթրոճեն»-ի պարունակութիւնը կը նուազի: Անիկա ամբողջացնելու համար աւելի լաւ է խնձոր, ծիրան, նուռ, ձուկ, ծովային ուտելիքներ եւ թռչնամիս, լուբիա ու ոլոռն, նեխուր, սպանախ եւ սմբուկ օգտագործել:

«Հորմոնալ ֆոն»-ը պահելու համար, փորձագէտը նաեւ կը յանձնարարէ սննդականոնին մէջ վարսակ, գարի եւ թեփ ներառել։

afhil.com

ՅԱՐԱԿԻՑ ՅՈԴՈՒԱԾՆԵՐ

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

ՆՈՐ ՅԱՒԵԼՈՒՄՆԵՐ