Չորեքշաբթի, Դեկտեմբեր 15, 2021ի երեկոյեան ժամը 7ին, Արեւմտեան Թեմի Արմէն Համբար դահլիճին մէջ, տեղի պիտի ունենայ շուրջ տասնմէկ դարեր առաջ ապրած Սուրբ Գրիգոր Նարեկացի Վարդապետին «Մատեան Ողբերգութեան» Արեւմտահայերէնի նոր թարգմանութեան շնորհահանդէսը: Հատորը հրատարակուեցաւ վերջերս: Թարգմանական այս նոր իրագործումը իրականացած է Հոգշհ. Տաճատ Ծայր. Վարդապետ Եարտըմեանին անխոնջ աշխատանքով: Անշուշտ, հրապարակի վրայ գոյութիւն ունին Աշխարհաբար քանի մը թարգմանութիւններ, սակայն այս նոր թարգմանութիւնը, որ պատրաստուած է անցնող տասնամեակներու ընթացքին, ունի բանաստեղծական նոր ոճ, նոր շունչ, նոր թարմութիւն եւ աւելի դիւրահասկնալի մերձեցում՝ մարդոց ներաշխարհէն ներս թափանցելու եւ ներգործելու համար: Այս իմաստով, համաձայն Հայր Սուրբին, միշտ կարիքը կը զգացուի նոր եւ շարունակական թարմ ընթերցումներու: Արեւմտեան Թեմի Սրբազան Առաջնորդ՝ Յովնան Արք. Տէրտէրեան բարեհաճօրէն հովանաւորած է այս նոր թարգմանութեան հրատարակութիւնը, վստահ ըլլալով, որ չկայ աւելի կարեւոր նպատակ, քան «Նարեկ»ը եւ անոր անզուգական հեղինակը աւելի մօտեցնել ընթերցողներուն:
«Մատեան Ողբերգութեան» այս նոր թարգամանութիւնը պիտի ներկայացնէ ինքը՝ թարգմանիչը:
Ձեռնարկին մուտքը ազատ է: