Առողջ սննդականոնի համադրութիւնը ֆիզիքական վարժութիւններու հետ՝ աւելորդ կշիռքէն ձերբազատուելու ամէնէն լաւ միջոցն է, յայտնած է սննդաբան Մայքլ Մոսլի:
Աստիճաններով բարձրանալը մասնագէտը կը նկատէ արդիւնաւէտ միջոց՝ նիհարնալ փափաքողներու համար: «Մարզասրահին մէջ այլընտրանք կրնան ըլլալ կքանստումները եւ հրում վարժութիւնը: Ես օրական 40 հրում վարժութիւն կը կատարեմ, որպէսզի աւելորդ կշիռք չհաւաքեմ», յայտնած է Մոսլին:
Նոյնպէս օգտակար վարժութիւն է աստիճանով ելլելը՝ վերելակ օգտագործելու փոխարէն:
«Դուք երեք անգամ աւելի «քալորի» կը կորսնցնէք աստիճանով բարձրանալու պարագային, քան՝ նոյն տարածութիւնը քալելու միջոցով կատարելով»,- ըսած է մասնագէտը: Ան ընդգծած է, որ օրուան ընթացքին կարելի է քանի մը կարճ մարզանքներ ընել՝ փոխանակ զանոնք համախմբելու մէկ ամբողջական մարզանքի մէջ: Այդպիսի թեթեւ ծանրաբեռնուածութիւնը կ՛օգնէ ոչ միայն նիհարնալու, այլ՝ բարելաւելու շաքարի մակարդակը արեան մէջ:
Afhil.com