Թրքական birgun.net կայքը կը հաղորդէ, որ ներկայիս Թուրքիոյ Պիթլիս (Հայկական անուանումը ՝Բաղէշ ) քաղաքին մէջ ճանապարհաշինական աշխատանքներու ընթացքին յայտնաբերուած են հողէ տակառներ: Տակառները նկատելուն պէս քաղաքապետարանին աշխատակիցները լուր տուած են ոստիկանութեան: Ուսումնասիրելու նպատակով հնագէտներու խումբ մը ժամանած է եւ անոնք, ուսումնասիրութիւններ ընելէն ետք յայտնած են թէ գտնուած տակառները կը պատկանին ուրարտական շրջանին եւ կը ներկայացնեն 2500 տարուան վաղեմութիւն ունեցող ուրարտական մշակոյթը: