Հալէպի իրավիճակին շուրջ հակասական տեղեկութիւններ

Այսօր առաւօտեան  կանուխ ժամերէն  սկսեալ   Սուրիոյ   բանակը     նոր ուժեր   սկսած է կուտակել Հալէպի   մէջ:   Այս մասին տեղեկութիւնը  կը փոխանցէ «Ալ Մայատին» կայանը, որ նաեւ կը հաղորդէ, թէ  բանակը   նոր ուժեր կուտակելու  սկսած է  մասնաւորապէս  «Ժայշ Ալ Ֆաթհ» խմբաւորման հնչեցուցած  սպառնալիքներէն ետք,կապուած ՝ Հալէպի մէջ նոր ճակատամարտ մը սկսելու    մասին: Կը հաղորդուի նաեւ, որ   ընդդիմադիր  ջոկատները  մասնաւորապէս   Իտլիպէն   ուղղուած են  Ռամուսիյէի  շրջան, ուր վերջիններս յաջողած  էին        երեւելի  յառաջխաղացք մը գրանցել: Գետնի վրայ  եղող զարգացումներուն  մասին խօսելով նոյն կայանի  թղթակիցը յայտարարած է, թէ այսօրուան  տուեալներով  հնարաւոր չէ,  որ  ընդդիմադիր  զինեալները     նոր ճակատներ բանան  Հալէպի մէջ:  Կը նշուի նաեւ, որ   Սուրիոյ օդուժը,  ռուսական կործանիչներու հետ  միասին հարուածներ կու տան   այն   կէտերուն, որ (Խան Ալ Ասալ, Րամուսյէ, Մահաատ Հարպի) վերջերս անցած են ընդդիմադիր  զինեալներու  տիդրապետութեան տակ:  Նշենք,   որ Հալէպի  հայկական շրջաննները  հակառակ անոր, որ կը մնան անվտանգ, սակայն   երեւելի   սկսած են դառնալ  սնունդի,  ելեքդրականութեան եւ համացանցի  տագնապները:    Կը հաղորդուի նաեւ,  որ մեծ թիւով հալէպահայեր փափաք   յայտնած են      քաղաքէն   հեռանալ, սակայն        ճանապարհներու փակ եւ անվտանգ ըլլալը կը դանդաղեցնէ,  անոնց հեռանալու  մտադրութիւնը: