Երիտասարդութեան միջազգային տօն օրուան կապակցութեամբ ընթացիկ տարուան Օգոստոս 12-ին` Արցախի շրջաններուն եւ Ստեփանակերտի մէջ կը կազմակերպուին տօնական շարք մը ձեռնարկներ:
ԼՂՀ մշակոյթի նախարարութեան մամուլի ծառայութեան փոխանցած տեղեկութիւններով` Ստեփանակերտի Շառլ Ազնաւուրի անուան մշակոյթի կեդրոնի բակին մէջ տեղի պիտի ունենայ տօնական համերգ:
Երիտասարդութեան միջազգային տօն օրուան առիթով ձեռնարկներ պիտի կայանան նաեւ Շուշիի մշակոյթի կեդրոնին մէջ` մտաւոր խաղ, Հատրութի Ազատութեան հրապարակին վրայ տեղի պիտի ունենայ «Ինչ, որտեղ, երբ» մտաւոր խաղը, ազգագրական պարերու բաց դաս, ժամանակակից պարեր:
Մարտունիի մշակոյթի պալատին մէջ տեղի պիտի ունենայ տօնական համերգ: Ասկերանի մէջ՝ մտաւոր խաղ, ինչպէս նաեւ երեկոյեան տեղի պիտի ունենայ տօնական համերգ:
Շահումեանի շրջանին մէջ երիտասարդութեան հետ պիտի կազմակերպուին զրոյց-քննարկումներ՝ ռազմահայրենասիրական թեմայով, իսկ Մարտակերտի մէջ պիտի կազմակերպուի արշաւ դէպի Կարմրավանք եկեղեցի: