Պոլսահայ նահատակ խմբագիր Հրանդ Տինքի սպաննութեան գործի շրջանակներուն մէջ դատարան ներկայացած ութ կասկածեալներէն հինգը ձերբակալուած, իսկ միւս երեքն ալ երկրէն դուրս չգալու պայմանով ազատ արձակուած են: Պոլսոյ Հանրապետական դատախազութեան ահաբեկչութեան եւ յանցախումբերու դէմ պայքարի բաժնի կողմէն իրականացուող հարցաքննութիւններու շրջանակին մէջ ձերբակալուած են Տրապիզոն քաղաքին Ժանդարմայի անվտանգութեան աշխատակիցներ Վոլքան Շահին, Շերէֆ Աթէշ, Օքան Շիմշէք, Հիւսէյն Յըլմազ եւ Կազի Կիւնայ:
Դատախազութեան կարգադրութեամբ ձերբակալուած են նաեւ Տրապիզոնի նահանգային ժանդարմայի գնդապետ Ալի Էօզ, անվտանգութեան աշխատակիցներ Ատնան Աճար եւ Մուսա Եըլտըրըմ: Այսպիսով Տինքի սպաննութեան գործով ձերբակալուածներուն թիւը կը հասնի 9-ի: