ԱՄՆ-ն սկսած է իր միջուկային զինամթերքը Թուրքիայէն տեղափոխել Ռումանիոյ «Տեւեսելու» խարիսխ ռազմական յեղաշրջումէն ետք Ուաշինկթընի եւ Անգարայի միջեւ յարաբերութիւններու վատացման հետեւանքով: Այս մասին կը յայտնէ Euroactiv-ը: Աղբիւրին համաձայն տեղափոխման գծով թեքնիք բարդութիւններ ստեղծուած է: «Այնքան դիւրին չէ աւելի քան 20 միջուկային ռումբ տեղափոխել», — յայտնած է պարբերականի զրուցակիցներէն մէկը:
Կը նշուի, որ չհաստատուած տուեալներով, Ինճիրլիքի թրքական խարիսխին մէջ ԱՄՆ-ի մարտավարական միջուկային զէնքի մօտ 50 միաւոր տեղակայուած է:
16 Յուլիսի գիշերը ռազմական յեղաշրջման փորձի հետ կապուած` թրքական իշխանութիւններն անջատած էին խարիսխի էլեկտրականութեան մատակարարումը եւ արգիլած թռիչքները անոր տարածքէն: Բացի այդ, անոնք ձերբակալած էին խարիսխի հրամանատարը յեղաշրջման փորձին մասնակցութեան համար: