Ռուսական եւ սուրիական ուժերը դադրեցուցած են Հալէպի արեւելեան շրջաններուն մէջ հրթիռարձակումները

Այսօր առաւօտեան ժամերէն սկսեալ ռուսական եւ սուրիական ուժերը դադրեցուցած են Հալէպի արեւելեան շրջաններու դէմ եղող հրթիռարձակումները: Այս մասին յայտատարած է Ռուսիոյ պաշտպանութեան նախարար Սէրկէյ Շոյկու: Ռուս պաշտօնատարը նաեւ ըսած է, որ կրակի դադրեցումը կը նախապատրաստէ յառաջիկայ հինգշաբթի օր յայտարարուելիք մարդասիրական հրադադարին: Կը հաղորդուի նաեւ, որ Ռուսիա առաջարկ ըրած է արեւելեան Հալէպի զինեալներուն հինգշաբթի օր յայտարարուելիք հրադադարէն ետք հեռանալ, իրենց դիրքերէն: Աւելի վաղ նման առաջարկ մը կատարած էր ՄԱԿ-ի Սուրիոյ հարցերով յատուկ բանագնաց Սթէֆան Տէ Միսթուրա, բայց «Ալ Նուսրա» ճակատի զինեալները մերժած էին այդ առաջարկը: