Արցախի ժողովրդի, իշխանութիւնների եւ անձամբ իմ անունից ի սրտէ շնորհաւորում եմ Ձեզ, բոլորիս համար թանկ ու յիշարժան տարեդարձի՝ հայոց հերոսական բանակի կազմաւորման 25-ամեակի կապակցութեամբ:
Հայկական բանակն անցել է փառապանծ ուղի եւ դարձել համայն հայութեան հպարտութիւնն ու պարծանքը, մեր ժողովրդի անվտանգութեան հիմնական երաշխաւորը, տարածաշրջանում խաղաղութեան ու կայունութեան պահպանման կարեւոր գործօններից մէկը: Հայ զինուորն իր անսասան ոգու եւ անյաղթ բազկի ուժով փայլուն իրականացնում է հայրենիքի պաշտպանի իր առաքելութիւնը։