Երեքշաբթի, Դեկտեմբեր 6, 2022

Շաբաթաթերթ

Array

Ալիեւը թո՞ւրք է, թէ՞…

Ատրպէյճանի խորհրդարանի պատգամաւոր Արիֆ Ռահիմզատէն ռուսական մի լրատուամիջոցի տուած հարցազրոյցում ասել է, որ իրենք թուրք չեն, այդպէս սխալմամբ որոշել են ցարական Ռուսաստանում: Նրան հակադարձել է գործընկեր Ֆազիլ Մուստաֆան. «Ըստ երեւոյթին, Արիֆ Ռահիմզատէն ազգագրութիւնից քիչ է հասկանում: «Ատրպէյճանցին» քաղաքական տերմին է, ոչ թէ էթնիկական: Մենք մեզ համարում ենք թուրք: Դա Ատրհպէյճանում ապրող թուրքերի ազգային ինքնութեան հասկացութիւն է: Ես կարծում եմ, որ իր յայտարարութեան Արիֆ Ռահիմզատէն կարծես զատորոշուել է նրանից, որ ինքը թուրք է: Նա կարծես ամաչում է իր ազգային պատկանելութիւնից»,- յայտարարել է Ֆազիլ Մուստաֆան:

Կար ժամանակ, երբ Ատրպէյճանում վիրաւորւում էին, երբ որեւէ մէկին անուանում էին «թուրք»: Դարաշրջան եւ իրողութիւններ են փոխուել, հիմա գերադասելի է ներկայանալ որպէս «թուրք»: Բայց, երեւում է, ոչ բոլորն են այդպէս ուզում: Կան խմբեր, որ գերադասում են մնալ «ատրպէյճանցի»: Ըստ երեւոյթին, որոշում պէտք է ընդունի իշխանութիւնը՝ ի՞նչ անուն տալ բնակչութեան մեծամասնութիւն կազմող էթնիկ խմբին, որը թուրքախօս է, իսլամադաւան, բայց մեծամասամբ՝ շիա ուղղութեան: Հանգամանք, որ նրան աւելի շատ իրանական, քան թուրքական ինքնութիւն է ներշնչում: Ի վերջոյ, երեւի, վերջին խօսքը պէտք է ասի Իլհամ Ալիեւը, նա իրեն թո՞ւրք է համարում, ատրպէյճանցի՞, թէ՞… Իշխող տեսակէտ կայ, որ Ալիեւներն էթնիկ քրդեր են: Այդ դէպքում կը ստացուի, որ Արիֆ Ռահիմզատէն ճիշդ է, իրենք միայն Ատրպէյճան կոչուող տարածքի բնակիչներ են: Հակառակ դէպքում քրդական ծագման կլանն ինչպէ՞ս է իշխանում էթնիկ մեծամասնութեանը… Իսկ գուցէ Ռահիմզատէն հէնց այդ էլ ակնարկե՞լ է…

 

ՎԱՀՐԱՄ ԱԹԱՆԷՍՅԱՆ

 

ՅԱՐԱԿԻՑ ՅՈԴՈՒԱԾՆԵՐ

ՆՈՐ ՅԱՒԵԼՈՒՄՆԵՐ